24.02.2023
Тыдзень беларускай мовы
У нашай дашкольнай установе надаецца вялікая ўвага патрыятычнаму выхаванню. Так у рамках правядзення тыдня беларускай мовы з 20 па 24 лютага было праведзена шмат цікавых і разнастайных мерапрыемстваў: гутаркі “Мы – беларусы”, “Знаемства з нацыянальнай кухняй”, “Што мы ведаем пра наш горад?”, “Знаемства з народнымі промысламі”, ” Знаемства з прадметамі беларускай хаткі, ”Наша радзіма –Беларусь”, разглядванне ілюстрацый “Што стварае непаўторнасць нашага горада?” , дыдактычныя гульні “Беларуская хата”і “Пазнай месца ў родным горадзе”. Адбылося знаемства з народнымі рамествамі і святкаваннем Масленіцы. Акрамя таго працаваў настольны тэатр, які прадэманстраваў казкі “Зайкава хатка”, ”Курачка рабка”. А яшчэ выхаванцы груп старэйшага ўзросту наведалі районную бібліятэку імя В. М. Ігнатоўскага, дзе з імі правялі занятакі, на якім дзеткі адгадвалі загадкі, слухалі казкі і вершы на беларускай мове, вучыліся перакладаць словы з рускай мовы на беларускую.
Для павышэння цікавасці да роднай мовы ў групах былі створаны беларускія куткі, дзе знаходзяцца лялькі ў нацыянальным адзенні, вырабы народных майстроў, кнігі пра Беларусь і вядомыя гістарычныя мясціны нашай краіны.
Спадзяемся, што ўсе мерапрыемствы дапамаглі выхаванцам паважаць і любіць родную мову і сваю Радзіму.