статыстыка наведванняў
|
22.02.2018
Беларускамоўны дзень у яслях-садзе21 лютага ўся Беларусь адзначыла Дзень роднай мовы. Наша асноўная задача – забяспечыць рэальнае выкарыстанне беларускай мовы ў дашкольнай установе, стварыць спецыяльныя ўмовы для таго, каб родная мова стала звыклай і зразумелай для дашкольнікаў. І таму на працягу дня ў яслях-садзе чулася беларуская гаворка. У музычнай зале была арганізавана выстава беларускіх цацак, на якую дзяцей сярэдніх, старэйшых і рознаўзроставай груп запрашала гаспадыня – выхавацель дашкольнай адукацыі сярэдняй групы Курак А.У. Яна расказала пра гліняныя, ільняныя, драўляныя і саламяныя цацкі: з чаго зроблены і для чаго яны выкарыстоўваліся. Выхаванцы з захапленнем слухалі цікавы расказ, самі расказвалі пра цацкі, якія ім спадабаліся, дудзелі ў дудкі і свістулькі. Акрамя гэтага педагогі расказвалі і чыталі дзецям творы на беларускай мове, гулялі ў народныя гульні. Работнікі харчаблока таксама не засталіся ў старане. Яны прыгатавалі для выхаванцаў стравы нацыянальнай кухні: салату з капусты з морквай, боршч з бульбай, смажаніну па-хатняму, варэнікі, запяканку з бульбы з мясам і галубцы.
Адрас: 225051, Брэсцкая вобл., г. Камянец, вул. Брэсцкая, 62.
Тэлефоны: 8 01631 3 71 90, 7 50 36
Адрас электроннай пошты: du1@kamenec.edu.by
Пасведчанне аб дзяржаўнай рэгістрацыі ад 1 верасня 2022 г. з рэгістрацыйным нумарам 290979743
Кого боги хотят покарать, того они делают педагогом. (Сенека)
|